Sa wala pa ang gubat, ang Jerusalem napuno sa mga langyaw nga turista ug mga tumutuo matag Holy Week, nga nagtapok alang sa peregrinasyon ug relihiyosong selebrasyon.
Apan karong tuiga, kahadlok ug kabalaka ang mipatigbabaw sa siyudad tungod sa nagpadayon nga tensyon sa Middle East.
Kadaghanan sa mga simbahan, balaang lugar, ug mga tindahan ang sirado, samtang hugot nga gipatuman ang mga pagdili sa seguridad ug halos walay mga turista nga moanhi.
Sa miaging mga tuig, liboan ka mga Katoliko ang moadto sa Jerusalem aron motambong sa Stations of the Cross ug mobisita sa Church of the Holy Sepulchre, nga giila nga usa sa labing balaang lugar sa Kristiyanismo.
Gibisita usab sa mga peregrino ang Via Dolorosa, ang pig-ot nga dalan nga gituohang giagian ni Hesus padulong sa iyang paglansang sa krus.
