CEBU CITY – Dako ang pagtuo ni Undersecretary Joel Sy Egco, ang executive director of the Presidential Task Force on Media Security, nga mapaubos ang desisyon nga ‘guilty’ batok sa mga akusado sa Maguindanao massacre case.
Sa pakighinabi sa Bombo Radyo Cebu kang Usec. Egco, gibutyag niini nga mapamatud-an ugmang adlawa kung na-ampingan sa gobyerno ang tawhanong katungod isip usa ka demokratiko nga nasud.
Matud pa, kung mahuman kini sa lower court, nasayud kining mamahimo pa nga i-apelar ang desisyon sa Court of Appeals ug Supreme Court, apan giingong ugma pa lang angayan na kini sila nga mudaug sa kaso.
Kung magmalampuson, giingong usa ka kini ka ‘record breaking’ gumikan kay wala pa lukop kalibotan nga adunay gatusan ka mga akusado nga mapahamtangan ug ‘guilty verdict’.
Samtang, gipahibalo usab ni Egco nga adunay ipahigayon nga ‘final security inspection’ ang PNP ug DOJ una ang promulgation sa usa ka dekada na Maguindanao massacre case.
Kahinumdoman nga una nang gipadayag ni Usec. Egco nga mukanaug kini sa pwesto kung ugaling ma-acquit sa kaso ang mga akusado.
