Nakuha sa Department of Education-Central Visayas ang pasidungog isip “Largest Rondalla Ensemble” sa tibuok kalibutan.
Kini gisaksihan sa Guinness World Records pinaagi sa ilang adjudicator nga si Emi Saito kinsa mao ang mideklarar sa kalampusan sa kalihukan.
Nahitabo kini pasado ala 1 sa hapon niadtong Hunyo 28 adlaw sa Biyernes sa Mandaue City Cultural and Sports Complex.
Nagtabo ang kapin 520 ka mga performers sa Rondalla nga gikan sa 26-ka mga nagkalain-laing mga tunghaan sa Central Visayas.
Diin, ilang gipakita ilang kahanas sa instrumento nga sumama sa usa ka propesyunal.
Mapasalamaton si Anthony Cañete Consejo, kinsa ang conductor sa maong performance, kang Mandaue City mayor Jonas Cortes sa maong suporta sa kalihukan sa musika sa maong pundok.
Ang Rondalla Ensemble usa ka ensemble sa mga instrumento nga may kwerdas nga gitugtog gamit ang plectrum o pick.
