Gipusil sa usa ka guwardiya ang duha ka mga lalaking nagtambay sa dalan sa V, Rama Ave. Sitio San Antonio Brgy Calamba Cebu City pasado alas 9 sa buntag karong adlawa nga Byernes, Marso 27, 2026.
Giila ang suspek nga si Joel Rentuma, 47 anyos, usa ka security guard ug lumulupyo sa Brgy Punta Princesa, Cebu City.
Nailhan usab ang mga biktima nga sila si Renato Belanizo, 52 anyos residente sa nahisgutang lugar, samtang ang usa mao si Vicente Gemuta, 42 anyos residente ra usab sa susamang dapit, usa ka driver.
Sa pagresponde sa mga medical team gideklarar nga patay ang biktima nga si Renato alyas Atoy diha diha dayun, samtang si Vicente Gemuta anaa sa 50/50 status nga gidala sa tambalanan.
Base sa inisyal nga imbestigasyon nga gipamusil ang duha ka biktima gumikan lamang kay gituhoang nangatawa sa dihang adunay gipalit ang secuirty guard nga si Rentuma sa usa ka tindahan sa maong dapit.
Matud sa anak sa suspek nga wa nagpaila sa kahanginan nga iyang amahan putong og hilomon og dali masuko.
Giklaro usab sa igsuon sa usa sa mga biktima nga si Jovelyn Gemuta nga ang iyang maguwang buotan og tarung diin sulod sa 23 ka tuig na silang nagpuyo sa dapit.
Sapagkakaron, padayun pa ang imbestigasyon sa Sawang Calero Police Station diin gikustodiya ang maong guwardya.
