Gihimakak ni kanhi Cebu Provincial Governor Gwendolyn Garcia ang mga alegasyon batok kaniya nga daw aduna kini mga sinuhulang mga tawo aron magpadagan og troll farm online.
Kini ang gipamahayag ni Garcia atol sa pakighinabi niini sa mga sakop sa tigbalita niadtong Lunes, Septiyembre 8 sa iyang business office sa dakbayan sa Mandaue.
Matod pang Garcia nga wala siyay troll farm nga gipadagan para lang pahumoton ang iyang pangan ug reputasyon sa mga kalihokan online.
Gani gihagit pa niini si incumbent Cebu Governor Pamela “Pam” Baricuatro nga mobisita sa iyang opisina aron sutaon ang kahimtang sa iyang negosyo nga daw usa ra ka call center operation sulod sa dul-an 800 square meters floor space.
Saysay pa niini nga dali ra daw kaayu magbuhat-buhat og mga “pamakak” nga pamahayag nga gapunto sa kasamtangang Gobernadora Baricuatro human kini napildi niadtong nakalabayng piniliay pag Mayo 2025.
