-- ADVERTISEMENT --
Arestado ang usa ka habal-habal driver human makuhaan og dul-an P7-million nga kantidad sa ginadiling drugas atol sa buybust operation kagabii sa Avocado St., Barangay Mambaling, dakbayan sa Sugbo.
Giila ang high value target nga si Lyndon Arante, alyas Dondix, 25 anyos, ug nagpuyo sa Barangay Bulacao, sa susamang dakbayan.
Matud sa hepe sa Mambaling PNP nga si Police Captain Francis Renz Talosig nga nisulod sa pagka-drug courier ang habal-habal driver sa suhol nga 500 pesos.
Nasakmit sa kapulisan ang kapin sa usa ka kilo sa shabu ug aduna kini DDB value nga P6.8 milyones.
Natanggong ang dinakpan sa lock-up cell sa Mambaling PNP ug mag-atubang og kasong kalapasan sa Comprehensive Dangerous Drugs Act.
-- ADVERTISEMENT --
