Padayon ang paggrabe sa kagubot sa nasud Iran sa paghandom sa ikalimang adlaw na sa halapad sa lihok-protesta batok sa nagkataas nga bayrunon sa mga batakang panginahanglan ug pagtibugsok sa balor sa kwarta sa nasud.
Sumala sa taho, duha ka tawo ang namatay sa lungsod sa Lordegan sa habagatang-kasadpang bahin sa Iran samtang tulo sab ang namatay sa lungsod sa Azna ug usa ka Kouhdasht.
Gawas niini kay adunay sab mga indibidwal ang nakabsan sa kinabuhi sa nagpadayong kagubot tali sa mga rallyista ug unipormadong personahe sa nagkadaiyang dapit sa kasadpang Iran.
Gani niadtong Huwebes, mikatap sa social media ang mga video nga nagpakita sa mga sakyanan nga gisunog tunga-tunga sa engkwentro sa mga rallyista ug mga awtoridad.
Natunga ang populasyon sa duha ka sugyot diin adunay pipila nga tapuson na ang pamunuan sa Supreme Leader sa nasud ingon man ang uban nga ganahan ipanumbalik ang monarkiya sa kagamhanan.
Nagsugod ang mga protesta human kalit nga mitibugsok ang balor sa Iranian currency batok sa US dollar hinungdan sa kasuko sa mga tigpamatigayon nga giubanan sa mga estudyante ang pagsalmot sa lihok-protesta.
