CEBU CITY — Luwas ang mga Pilipino sa Thailand, ilabi na sa Bangkok subay na sa halapad nga protesta diin libuan ang nagtapok sa mga nag-unang kadalanan.
Gibutyag sa usa ka English instructor sa Thailand nga si Eduard Orillosa nga daan na silang gitambagan sa Embahada nga magpuyo sa ilang tagsa-tagsa ka mga panimalay ug likayan ang paggawas-gawas.
Matud ni Orillosa nga nahimong malinawon ang halapad nga protesta bisan pa man sa kalagot nga gibati sa mga protesters.
Nasayran nga wala nauyunan ang mga protesters sa nahimong lakang sa prime minister nga si Prayut Chan-o-chan sama lang sa giingong hinay nga lakang sa COVID-19 response sa nasud.
Dugang pa ni Orillosa nga dili usab sila basta-bastang makasaway ngadto sa kagamhanan, ingon man sa monarkiya gumikan kay pangdakpon sila.
Samtang gusto usab sa mga nagprotesta nga i-amyendar ang usa ka probisyon sa konstitusyon gumikan kay aduna silay katungod sa pagsaway ngadto sa gobyerno. (gn)
