Gipagawas sa Hamas ang 3 pa ka mga bihag sa Israel, gahapon, Pebrero 15.
Gibuhian sa mga militante sa Hamas ang 3 nga mga bihag sa Israel gikan sa Khan Younis sa Gaza ug gitugyan sila sa Red Cross, nga dayon gidala sila sa kasundalohan sa Israel sa lain nga lokasyon sa Gaza.
Gidala sa militar sa Israel ang nahilway nga mga Israeli balik sa Israel.
Lakip sa gipagawas nga mga Israeli mao sila Alexander Troufanov, Yair Horn ug Sagui Dekel-Chen.
Ang pagpagawas sa mga bihag sa Israel baylo sa pagpagawas sa kapin 360 ka mga piniriso nga Palestinian nga gipriso sa mga prisohan sa Israel.
Kahinumduman nga mihulga ang Hamas nga dili nila buhian ang mga bihag sa Israel nunot sa giingong paglapas sa Israel sa ceasefire deal.
Gihulga sa Israel nga kung dili buhian ang mga hostage karong adlawa, magpadayon kini sa pag-atake sa Gaza.
