Mohimo sa iyang unang fanmeeting world tour ang South Korean actress nga si Han So Hee, diin lakip ang Pilipinas sa listahan.
Sa usa ka post sa 9ato Entertainment sa Instagram, ang Gyeongseong Creature actress magdala sa iyang 2025 HAN SO HEE 1ST FANMEETING WORLD TOUR sa umaabot nga Setyembre 13 sa Cove Manila, Okada.
Nasayran usab nga bisitahon ni So Hee ang ubang mga siyudad, sugod sa Hulyo 12 sa Bangkok, Hulyo 20 sa Tokyo, Agosto 2 sa Taipei, Agosto 30 sa Los Angeles, Setyembre 1 sa New York, Setyembre 6 sa Hong Kong, Oktubre 3 sa Frankfurt, Oktubre 5 sa London, Oktubre 7 sa Paris, Oktubre 8 sa Berlin, Oktubre 26 sa Seoul ug uban pa.
Sa pagkakaron, naghinam-hinam na ang mga Pinoy fans niini nga ianunsyo ang ticket ug sa iyang pag-abot sa nasud.
Naila ang aktres sa iyang mga gibidahan nga k-dramas sama sa “Nevertheless,” “My Name,” “Abyss,” ug daghan pa.
