Gihimakak sa former presidential spokesperson nga si Atty. Harry Roque ang reklamo sa pagpangilog og yuta.
Kini human sa reklamo nga gisang-at sa mga 15 ka mag-uuma sa National Bureau of Investigation (NBI) nga nag-alegar nga ang bahin sa ilang yuta nga nasakup sa Certificates of Land Ownership Award gibalhin ngadto sa usa ka pribadong korporasyon nga may kalabotan sa Philippine Offshore Gaming Operations o POGO.
Ang maong yuta sa Bataan gibalhin ngadto sa POGO nga walay bisan unsang clearance gikan sa Department of Agrarian Reform (DAR).
Si Roque miingon nga kini kabahin lamang sa smear campaign batok kaniya ug nga wala pay kaso nga gisang-at tungod kay kini kabahin lamang sa reklamo.
Gipaniguro ni Roque nga andam siyang moatubang sa bisan unsang kaso batok kaniya.
