PROVINCE OF CEBU- Patay ang usa ka minor de edad nga lalaki ug angol ang igsoon niini human sa nahitabong disgrasya sa Nasudnong Highway sa Brgy. Ginablan, lungsod Badian, sa habagatang bahin sa Sugbo mga alas 6:00 sa gabii, Hunyo 27, 2025.
Basi sa inityal nga imbistigasyon sa kapulisan sa Badian Police Station, nasayran nga ang sakyanan nga Toyota Wigo hatchback nga color yellow, ug adunay plate no. nga “GAK 3725”, nga gimaniho usab ni Joey Jimenez Zamora, 28-anyos kay giingong paingon sa Lungsod sa Alegria.
Samtang ang managsuong sakay sa motorsiklo kay paingon sa Badian Proper, nga gimaniho sa usa ka menor de edad.
Sa dugang nga imbestigasyon, nasayran nga giasoy sa mga saksi sa panghitabo nga kusog kaayo ang dagan niining minor de edad ug milahos sa pikas lane, o ming overshoot hinungdan nga naigo kini sa toyota nga sakyanan.
Human sa panghitabo, gidala pag dali ang minor de edad sa Badian District Hospital apan gi deklarar kini nga dead on arrival.
Sa pagkakaron, kasamtangang gi-hold ang drayber sa toyota wigo sa Badian Police Station, ug posibli kining mag atubang og kasong Reckless Imprudence Resulting to Homicide and Damage to Property.
