Liboan ka mga residente ang napugos sa pagbakwit human sa kusog nga ulan nga hinungdan sa grabeng pagbaha sa amihanang Honolulu, Hawaii.
Natabunan sa lapok ang mga dalan natabunan, balay ug nanga-anod ang mga sakyanan, ug ang mga opisyal nagpasidaan sa posibleng pagkahugno sa kapin 120 ka tuig nga Wahiawa Dam.
Nitingog usab ang emergency sirens sa North Shore sa Oahu, nga nag-awhag sa mga residente sa pagbakwit sa mga lugar sa ubos sa dam.
Hinuon, walay gitaho nga namatay, apan nagpadayon ang mga operasyon sa pagluwas alang sa mga na-stranded.
Usa ka advisory sa pagbakwit ang gi-isyu usab alang sa mga bahin sa Lahaina, Maui, tungod sa nag-awas nga mga retention basin. Samtang, ang Hawaii National Guard gi-activate aron motabang sa operasyon.
Matud sa mga awtoridad nga ang pagbaha taas sa pipila ka mga lugar, nga adunay mga pasidaan sa flash flood nga gibutang alang sa amihanang Oahu, labi na ang Haleiwa ug Waialua.
Ang sunod-sunod nga ulan gipahinabo sa gitawag nga “Kona lows,” nga nagdala og kusog nga ulan ug pagbaha sa mga isla.
Kapin sa 4,000 ka mga residente ang gipailalom sa evacuation order, samtang ang dam giisip nga taas ang risgo sa pagkaguba.
