Magsugod na ang “lie in state” o haya sa napatay nga Supreme Leader sa Iran, nga si Ayatollah Ali Khamenei, karong adlawa Sabado, Hulyo 4, 2026, sa Grand Mosalla mosque sa Tehran.
Ang iyang patayng lawas, nga gibutang sa lungon, dad-on aron mahatagan ang publiko ug mga lider gikan sa lainlaing mga nasud og higayon nga mohatag sa ilang katapusang respeto.
Kahinumduman nga si Khamenei napatay niadtong Pebrero 28, 2026, sa usa ka airstrike sa U.S. ug Israel. Diin ang iyang lubong nalangan og upat ka bulan tungod sa gubat ug seguridad, apan karon nga adunay ceasefire, ang 7 ka adlaw nga prosesyon gipahimutang na.
Karong adlawa, Hulyo 3 (Biyernes), ang iyang lungon miabot sa Tehran alang sa usa ka pribado nga seremonya uban sa mga langyaw nga delegasyon ug mga opisyal.
Sa Sabado ug Domingo, ang iyang patayng lawas opisyal nga ibutang sa Grand Mosalla Mosque sa Tehran alang sa pagtan-aw sa publiko.
Sa Hulyo 6 (Lunes), usa ka prosesyon sa lubong ang ipahigayon sa mga kadalanan sa Tehran.
Sa Hulyo 7 (Martes), ang lungon dad-on sa balaang siyudad sa Qom alang sa mga pag-ampo sa mga iskolar sa Islam.
Sa Hulyo 8 (Miyerkules), ang iyang mgpatayng lawas ilupad paingon sa Iraq alang sa usa ka prosesyon ngadto sa balaang mga siyudad sa Shia nga Najaf ug Karbala.
Sa Hulyo 9 (Huwebes), ang iyang patayng lawas mobiyahe balik sa Iran alang sa katapusang lubong sa Imam Reza Shrine sa iyang lungsod nga natawhan sa Mashhad.
Gibanabana sa mga opisyal sa Iran nga tali sa 15 ug 20 milyon nga mga tawo ang moapil sa usa ka semana nga kalihokan.
Bahin niini, ang mga “publikong holiday” gideklarar sa mga siyudad diin moagi ang lungon. Ang airspace sa Tehran ug Mashhad sirado usab sa piho nga mga adlaw alang sa mga hinungdan sa seguridad.
Dili sigurado kung ang iyang anak nga lalaki ug bag-ong gitudlo nga Supreme Leader sa Iran, si Mojtaba Khamenei, motambong sa lubong.
