Nipadayag ang pipila ka mga International Criminal Court Lawyer nga walay igong basehanan ang mga balita kalabot sa kahimtang karon sa panglawas ni kanhi Presidente Rodrigo Duterte hinungdan nga nalangan ang confirmation of charges nga unang gikatakda sa Setyembre 23.
Mao kini ang gipaambit ni Atty. Kristina Conti, ICC Assistant to Counsel atol sa pakighinabi sa Bombo Radyo Philippines sa nahimong pagkalangan, nga matud niini nga sakop kini sa ilang desperadong taktika o kaha drama o mamahimo usab nga pagpanglimbong.
Apan, giklaro niini nga wala nila gisalikway ang posibilidad nga aduna kini gipamati sa iyang lawas.
Dugang pa niini kinahanglang iklaro ang factual information sa ICC nga anaa sa ilang dokumento aron lig-on ang mga pangagkon kalabot sa iyang health condition.
Busa, nanawagan kini nga ipagawas ang ilang gihuptan nga mga dokumento.
