Patay ang babaye nga pilot human nahagsa ang gisakyan niini nga helicopter nga adunay body number nga RPC-3424 sa sapa sa Sitio Arimung-mong, Brgy. San Miguel, Guimba, Nueva Ecija, Sabado, Pebrero 1, 2025.
Giila ang pilot nga si Julia Flori Po, 25-anyos nga taga Marina Bay Homes, Parañaque City.
Matud sa Guimba PNP nga miagi sa Bulacan ang maong helicopter una kini nahagsa sa Nueva Ecija.
Sa pagkakaron, padayon pa nga giimbestigahan sa Civil Aviation Authority of the Philippines ang pagkahagsa sa helicopter nga mikalas sa kinabuhi ni Po.
Diin nanguna ang Aircraft Accident Investigation and Inquiry Board sa pagpahigayon og imbistigisayon sa panguna ni Col. Rhomel Ronda aron matino ang hinungdan sa pagkahagsa sa helicopter.
Sumala usab sa CAAP, ang Philippine Aeronautical Rescue Coordination Center nakadawat og daghang emergency alerts.
