-- ADVERTISEMENT --
CEBU PROVINCE- Mohimo usab og kaugalingong imbestigasyon ang Police Regional Office (PRO 7), kini human ginganlan sa nagpadayon nga Senate hearing si Police Captain Allen June Germondo, officer-in-charge sa Tabuelan Police Station, nga bagman ug collector sa giingong ilegal nga small town lottery ni 3rd District Congressman Arnolfo Teves.
Matod ni Police Lieutenant Colonel Gerard Ace Pelare, tigpamaba sa PRO 7, nga ang imbestigasyon magsentro sa pasangil nga nalambigit ang police official sa ilegal nga kalihukan ni Teves.
Dugang ni Pelare, nga si Brigadier General Anthony Aberin, hepe sa kapulisan sa PRO 7, nimando na usab kang Germondo nga motunga sa Senate hearing aron manubag sa mga pasangil batok kaniya.
