Gikataho nga gipadala ni Health Secretary Ted Herbosa ang iyang letter of resignation kang Presidente Ferdinand Marcos Jr.
Basi sa kopya sa iyang sulat nga gipadala sa Department of Health, si Herbosa miingon nga human sa iyang operasyon sa tuhod, iyang naamgohan nga kinahanglan niyang atimanon ang iyang kaugalingon.
Dugang ni Herbosa nga moagi siya sa halapad nga rehabilitasyon sulod sa tulo ngadto sa upat ka bulan.
Nangayo usab og pasaylo si Herbosa sa bisan unsang mga kapakyasan nga iyang nahimo samtang nagserbisyo isip kalihim sa DOH.
Mahinumduman nga ang tigpamaba sa Health ug USec. Albert Domingo nga ang kalihim nag-sick leave sukad Hulyo 6 human sa operasyon sa pag-ilis sa tuhod.
Gi-report ni Usec. Domingo nga ang operasyon malampuson ug si Herbosa karon gipailalom sa physical therapy ug rehabilitasyon.
Temporaryong gipulihan ni Domingo si Herbosa isip DOH officer-in-charge.
