Gi-deactivate ang “high-risk” Emergency Preparedness and Response (EPR) protocol sa 4 ka rehiyon sa nasud tungod sa pag-landfall sa Tropical depression Aghon sa Eastern Samar.
Matod ni OCD Spokesperson Director Edgar Posadas, gilibkas na ang maong protocol alang sa emergency response organizations sa National Capital Region, Cordillera Administrative Region, Bicol Region ug Eastern Visayas Region.
Ang high-risk protocol naglakip usab sa pagpaaktibo sa emergency operations centers sa red alert, pagrekomendar sa suspension sa mga klase ug trabaho, pagpatuman sa preemptive ug forced evacuations.
Gawas niini, gimanduan ang mga hingtungdan nga ahensya sa pagpahigayon og Pre-Disaster Risk Assessment (PDRA) Analyst group Meetings aron mahibaw-an ang panginahanglan sa matag rehiyon depende sa ilang protocols.
Subay niini magpundok ang mga response clusters aron mahibal-an ang kaandam ug masuta ang piho nga mga panginahanglanon sa matag opisina.
Ingon man nga gipalihok na usab ang Camp Coordination ug Camp Management teams alang sa posibleng pre-emptive evacuations.
