CEBU – Gisugdan na sa Commission on Elections (Comelec) ang pag-proseso sa honoraria sa mga magtutudlo nga nag-serbisyo niadtong nakalabay nga May 9 elections.
Gibutyag ni Dr. Salustiano Jimenez, ang Regional Director sa DepEd 7, nga karung May 24 kay sugdan na ang pagpang-apud-apud sa naasoy nga honoraria , apan nanghinaut kini nga mapaspasan lang ang pagpanghatag.
Matud pa, gusto unta sa DepEd nga mahatag ang maong honoraria pagkahuman dayun sa eleksyon, apan wala kini masayod sa rason sa Comelec ug kung nganong naabot pa hangtud ning puntoha.
Gidugang pa ni Jimenez nga nagpaabot sila sa resulta sa ilahang hangyo nga increase sa honoraria sa mga nag-serbisyo nga mga magtutudlo panahon sa pinili-ay.
Sigon pa, dili man makabuot niini ang DepEd ug Comelec, inay bugtong ang BIR ug Department of Finance ang adunay gahum sa pagdungog sa maong hangyo.
