Giaprobahan sa House Committee on Justice ang report sa komite nga naglatid nga adunay “probable cause” sa mga reklamo sa impeachment batok kang Bise Presidente Sara Duterte.
Ang tanang 55 ka miyembro nga mitambong sa sesyon mipadayag og bug-os ug unanimous nga suporta pabor sa mosyon.
Human sa deliberasyon, gideklarar sa tsirman, si Rep. Gerville Luistro, nga hingpit nga napasar ug gi-aprubahan ang report.
Sumala sa komite, ang desisyon naggikan sa ilang pagsusi sa mga ebidensya ug nagpakita sa lig-on nga panaghiusa sa mga miyembro sa pagtimbang sa kaso.
Nakita usab sa komite nga adunay igo nga basehan aron ipadayon ang proseso sa impeachment.
Kabahin kini sa konstitusyonal nga proseso diin ang House of Representatives magrepaso sa mga reklamo sa dili pa kini ipasa sa plenaryo alang sa sunod nga aksyon.
