METRO MANILA-Giawhag sa mga house leaders si Vice Presidente Sara Duterte nga kombinsihon ang iyang bana nga si Atty. Manases “Mans” Carpio, ug ang iyang igsuon nga si Davao City 1st District Rep. Paolo “Pulong” Duterte nga atubangon ang imbestigasyon ug isulti ang tinuod sa mga pasangil sa testigo nga si Jimmy Guban.
Matod ni House Deputy Majority Leader Jude Acidre ug House Assistant Majority Leader Jil Bongalon nga dili angayang i-divert ni VP Sara ang isyu kay dili kini makatabang, mas maayong kumbinsihon sila nga tubagon ang mga pasangil.
Gisiguro sa Kamara kang VP Sara nga ang courtesies ug respeto ihatag kang Atty Mans ug Cong. Pulong tungod sa ilang stature.
Matod ni Acidre,walay sagol nga politika ang katuyoan sa Quad-Comm.
Kon kahinumdoman niadtong Biyernes atol sa Quad Committee hearing, gibutyag sa testigo nga si Guban nga nalambigit sa ilegal nga drugas ang asawa sa bise presidente ang igsuon nga si Cong Pulong ug kanhi presidential adviser Michael Yang.
Sa pagkakaron wala pay gipagawas nga schedule ang Kamara kalabot sa Quad Committee hearing.
