Gipagawas sa mga rebeldeng Houthi ang mga video footage sa pag-atake ug pagtanom og bomba sa ilang mga fighters sa Greek-flagged oil tanker nga MT Sounion ng adunay sakay nga 25 ka tripulante lakip ang 23 ka Filipino seafarer samtang naglawig sa Red Sea niadtong Agosto 21.
Ang video nagpakita sa mga Houthi fighters nga nagsul-ob og maskara ug nagdala og Kalashnikov-style rifles nga miatake sa oil tanker human kini gibiyaan sa mga tripulante nga naluwas.
Gitanom sa mga Houthi ang mga bomba sa mga hatch sa deck paingon sa mga tanker sa lana sa ubos diin ang footage nagpakita usab og unom ka sunod-sunod nga pagbuto gikan sa oil tanker.
Ang mga nasod sa Kasadpan ug ang United Nations unang mipahimangno sa posibleng dakong oil spill gikan sa Sounion nga makadaot sa mga coral reef ug wildlife palibot sa Red Sea bisan tuod sumala sa puwersa sa dagat sa EU sa rehiyon, walay oil spill gikan sa Sounion ang makita.
Sa usa ka press briefing, gikumpirmar ni Deputy Pentagon Press Secretary Sabrina Singh nga ang milyon-milyong barrels lang sa oil tanker ang nagpabilin nga wala’y labot apan giingon niya nga pipila ra ang na-leak nga lana gikan sa barko mismo kung diin kini naigo.
