-- ADVERTISEMENT --
CEBU – Patay ang usa ka 71-anyos nga lalaki samtang samdan ang usa ka 19-anyos nga babaye human sila giingong nadasmagan sa traysikol nga gimaneho sa usa ka hubog nga drayber.
Nahitabo ang insidente mga alas 8 sa gabii niadtong Biyernes, Nob. 5, sa dakbayan sa Bogo.
Matod ni PLTCol Florindo Fajardo, hepe sa Bogo City Police Station, nga naglakaw sa sidewalk ang mga biktima nga sila si Danilao Casiano ug Isce Villordon dihang giingong nadasmagan sa traysikol nga gimaneho ni Giovanne Aragon.
Hinungdan nga si Casiano namatay samtang si Villordon nagpabilin nga na-admit sa Bogo City Hospital.
Gitanggong karon si Aragon samtang nangandam ang kapulisan sa pagpasaka sa tukmang kaso batok kaniya.
-- ADVERTISEMENT --
