NEGROS ORIENTAL – Patay ang usa ka human rights defender human nga gipusil patay sa dalan Aglipay, Manjuyod, Negros Oriental.
Giila ang biktima nga si Salvador ‘Bador’ Romano, 42 anyus, ug residente sa Barangay Tupas sa nahisgutang probinsya.
Nasuta nga nagsakay ang biktima sa iyahang motorsiklo sa dihang gipusil sa maka-upat nga higayun sa wala mailhing mga mamumuno nga sakay usab sa motorsiklo.
Nasayran nga kanhi coordinator sa Karapatan Negros Oriental ug kasamtangan nga aktibong miyembro sa Iglesia Filipina Independiente (IFI) ug kasamtangan nga adviser sa Youths of Iglesia Filipina Independiente (YIFI).
Si Romano ang giingung ika-48 nga aktibista sa probinsiya sa Negros nga gipatay ubus sa administrasyon ni Presidente Rodrigo Duterte.
Nagpadayun ang imbestigasyon karun sa kapulisan kalabut sa maong insidente.
Samtang gipahibalu usab ni Atty. Arvin Udron, Commission on Human Rights 7 Regional Director nga magpadala usab ug team ang ilahang buhatan ngadtu sa Negros Oriental arun sa pagpahigayun ug buwag nga imbestigasyon.
