CENTRAL VISAYAS- Gi-report sa Cebu ang ‘Una nga kaso” sa Monkeypox (Mpox) sa probinsiya karong adlawa, Mayo 29, 2025.
Kini human nga, niluwat og katin-awan si Talisay City Mayor Samsam Gullas kalabot sa nikatap nga mga huhungihong bahin sa giingong MPOX-related nga kamatayon sa siyudad, nga nipasalig sa mga residente nga walay hinungdan sa pagkaalarma
Sa public statement pinaagi sa Facebook, gikompirmar ni Mayor Gullas nga nagpositibo sa MPOX ang nahisgutang pasyente, apan giklaro niini nga dili MPOX ang hinungdan sa kamatayon.
Matud ni Gullas, nga adunay lain gipamati ang pasyente nga maoy tinuod nga hinungdan sa kamatayon. Buot ipasabot, ang hinungdan sa iyang kamatayon mao ang sakit nga iyang nadayagnos ug dili ang MPOX.
Gidugang niini, nga kini na quarantine na ug wala nay na kuyog subay sa mga protocol sa DOH.
Sa pikas bahin, aduna usab gi-monitor ang Mandaue City Health Office (MCHO) sa gidudahang kaso sa mpox.
Basi sa taho sa MCHO, nga ang gidudahang kaso naila atol sa konsultasyon karong buntag.
Kung diin, ang pasyente, nakita nga adunay mga samad, hinundan nga gilain dayon.
Dugang pa, nga giimbestigahan na sa Department of Health – Region 7 ang mao nga kaso.
Gikuha na ang mga sample ug gipadala sa Research Institute for Tropical Medicine (RITM) alang sa kompirmasyon.
Giawhag ang publiko nga dili mabalaka tungod kay wala pa makompirmar ang kaso.
Ang MPOX dili delikado ug matambalan lamang, sama sa chickenpox o hang-ga. Apan, ang quarantine angayan kung gikinahanglan.
Gipahinumdoman usab ang publiko nga mag-obserbar sa mga preventive measures, sama sa paglikay sa mga lugar nga daghang tawo ug pagpraktis sa husto nga kahinlo sa kamot, lakip ang paggamit sa mga sanitizer nga alcohol.
