Cebu City-Gikalipay ni Former environment secretary Gina Lopez ang wala pagtugot ni Presidente Rodrigo Duterte sa proposal sa the Mining Industry Coordinating Council (MICC) nga i-lift ang pag ban sa open-pit mining.
Kini human nga mi-apelar si Lopez kang Duterte ni-adtong mi-aging buwan nga dili angayan nga tugutan ang open-pit mining tungod kay daghan tao ang maapektuhan niini ilabina ang mga mag-uuma ug mananagat hangtud sa hangtud.
Matud ni Gina Lopez nga gimahal niya ang presidente tungod kay matud pa maayo kini. Giingon pa niini nga gigamit gyud ni Duterte ang iyang kasing-kasing ug utok ug wala kini labot sa gipanulti sa MICC.
Giingong wala na gikahibulong pa ni Lopez ang rekomendasyon sa MICC tungod kay ang chairman nga si Bayani Agabin ug co chairman niini nga si Budget Secretary Carlos Dominguez aduna gyud interes sa mina.
Mahinumduman nga gahapon gi-reject sa presidente ang recommendation sa MICC nga i-lift ang pagban sa open-pit mining tungod kay nakaguba kini sa yuta ug wala usab kini dinali-an nga corrective measures.
Mahinumduman usab nga niadtong DENR secretary pa si Lopez , siya ang nag ban sa open pit mining tungod sa dautang epekto niini sa komunidad.
