Ihap sa apektado sa bagyo ug habagat, niabot na sa dul-an 1 milyong pamilya – DSWD

Mikabat na sa dul-an 1 milyon nga pamilya ang naapektuhan sa bati nga panahon tungod sa mga bagyo ug habagat nga nihapak sa tibuok nasod.

Mao kini ang gipaambit ni Department of Social Welfare and Development (DSWD) Secretary Rex Gatchalian, diin anaa sa 45,000 ka mga pamilya ang anaa karon sa mga evacuation centers sa nagkadaiyang dapit sa nasud.

Gidugang usab niini nga DSWD kay nakapag-apud-apod na og 330,000 ka family food packs (FFPs) sa mga apektadong pamilya sulod sa upat ka adlaw.

Gipaambit usab sa kalihim nga andam ang ilang buhatan sa pag-atubang sa mga hagit ning grabeng panahon.

Lakip sa gitutokan karon sa DSWD mao ang pagdugang sa gidaghanon sa mga relief goods sa nasudnong stockpile, nga niabot na sa 3 milyones.