Ihap sa mga mipalit og sakyanan sa Enero, mikunhod

Mikunhod ang gidaghanon sa mga tawo nga mipalit og mga sakyanan niadtong Enero.

Sumala sa Chamber of Automotive Manufacturers of the Philippines Inc. (Campi) ug Truck Manufacturers Association, 35,053 ka units lang ang nabaligya.

Diin kini nagpakita lang og 26 porsyento nga mas ubos kaysa sa bulan sa Disyembre nga adunay 47,371 ka units.

Matud ni Campi President Jose Maria Atienza nga usa sa mga hinungdan sa pagkunhod mao ang nagkadaghan nga mga tawo nga namalit og mga electric vehicle.

Sa Enero, adunay 2,610 ka unit sa mga electric vehicle, nga 63.1 porsyento nga mas taas kaysa sa parehas nga bulan sa miaging tuig nga adunay 1,600 ka unit lamang.