Ihap sa mga namatay sa bagyong ‘Nando’ nga miigo sa Taiwan, misaka

Misaka na sa labing menos 17 ka mga tawo ang namatay sa Taiwan ug China tungod sa Bagyong Ragasa, ang bagyo nga miagi sa Pilipinas ug gitawag nga “Nando.”

Ingon man nga dul-an sa duha ka milyon nga mga tawo ang gibakwit sa habagatang China.

Ubay-ubay usab nga mga indibidwal ang gikataho nga na-missing human sa pag-awas sa linaw.

Gipaubos ang Ragasa gikan sa usa ka super typhoon ngadto sa severe typhoon nga adunay hangin nga 241 kilometros matag oras nga natala sa Taishan county sa lalawigan sa Guangdong.

Sa pagkakaron, padayon ang mga awtoridad sa pagluwas sa mga residente nga misaka sa atop sa ilang mga balay tungod sa baha.

Nakahatag usab og kadaot ang Ragasa sa nasud sa Hong Kong.