Niabot na sa 78 ang ihap sa mga namatay sa 7.8-magnitude nga linog nga miigo sa Mindanao, sumala sa National Disaster Risk Reduction and Management Council (NDRRMC).
Sa gipagawas ang report, napulo ka adlaw human sa makalilisang nga linog.
Sumala sa NDRRMC, kadaghanan sa gitaho nga mga namatay gikan sa rehiyon sa SOCCSKSARGEN samtang 21 gikan sa rehiyon sa Davao.
Dili usab moubos sa 1,339 ang gitaho nga nasamdan samtang 30 ka tawo ang gikatahong missing.
Kapin sa 18,000 ka mga indibidwal ang nagpabilin karon sa mga evacuation center gikan sa gibana-bana nga 1.4 milyon nga mga tawo nga naapektuhan sa linog, kini gikan sa Rehiyon sa Zamboanga, Davao, SOCCSKSARGEN ug BARMM.
Giklaro usab sa NDRRMC nga ang gitaho nga mga namatay kinahanglan pa nga moagi sa pag-validate sa Management of the Dead and Missing, usa ka opisina nga gidumala sa Department of the Interior and Local Government (DILG).
