Niabot na sa 37 ang ihap sa namatay sa pagkalunod sa MV Trisha Kerstin 3 sa Basilan, human nakaplagan ang tulo ka patayng lawas niadtong Sabado, Enero 31, sumala ni Hadji Muhtamad Mayor Arsina Kahing-Nanoh.
Diin duha kanila ang lalaki ug usa ang babaye, nga gidala dayon sa Zamboanga City sa Philippine Coast Guard.
Gikan sa orihinal nga 19, ang namatay misaka ngadto sa 37 human nakaplagan ang 11 ka patayng lawas niadtong Huwebes, upat niadtong Biyernes, ug tulo niadtong Sabado.
Sa 37 ka patay, upat ang wala pa mailhi.
Mahinumduman nga ang barko nalunod niadtong Enero 26 samtang paingon sa Jolo, Sulu gikan sa Zamboanga City, samtang kapin sa 300 ka pasahero ang naluwas.
Gi-report sa Basilan Provincial Disaster Risk Reduction and Management Office ang mga ngalan sa 33 pa nga namatay, lakip ang:
Alsihal Sawadjaan, Rodel Chiong, Fatma Ayesha Ambutong, Alih Sali, Henry Calim, Farida Baddun, Brenda Birin, Namma Javeir Buclao, Amma Sali Macalangon, Aldin Mashum, Lanka Halim, Hja. Nurunnihar Lee, Nurhaima Ali Musa, Atika Ali Musa, Saudi Janang, Andrea Safarri Wahid, Omar Tahir Jamaluddin, Zaida Abjuran, Nalda Muksan, Nursalyn Muammil, Dayam Awaluddin, Harlene Asgali, Harija Hadjirul, Nurdaya Tawasil, Dina Ambutong, Anisa Mahsom, Mussah Sala, Jomar Miguel, Janeth Lapinig, Junhar Kamman, Dianeeza Sahial, ug Reckmar Abtong.
Sa pagkakaron, nagpadayon ang rescue ug recovery operations samtang gisiguro sa mga awtoridad ang kaluwasan sa mga survivor ug padayon ang imbestigasyon sa insidente.
