Nisaka na sa 17 ang namatay sa landslide sa West Java, Indonesia, sumala sa National Disaster Mitigation Agency, samtang 73 pa ang gikatahong missing.
Naigo sa landslide ang baryo sa Pasir Langu sa rehiyon sa Bandung Barat, usa ka bukiron nga lugar 100 km gikan sa Jakarta.
Nakatala usab og kapin sa 30 ka mga balay ang natabunan sa landslide.
Matud ni Navy Chief Muhammad Ali lakip sa mga nawala mao ang 23 ka mga opisyal sa navy nga nagbansay sa border patrol sa dihang nahitabo ang katalagman.
Naglisod usab ang mga rescue team sa pag-abot sa lugar tungod sa dili maayo nga panahon ug kakulang sa mga bug-at nga kagamitan.
Nasinati usab ang mga flash flood sa daghang mga bahin sa Indonesia, lakip ang West Java ug Jakarta, nga nagpugos sa mga evacuation.
Nahibal-an nga ang insidente nahitabo duha lang ka bulan human sa kaylap nga pagbaha ug landslide sa Sumatra nga nakapatay sa 1,200 ka mga tawo ug hinungdan sa pagkawala sa kapin sa usa ka milyon nga mga residente.
