Misaka na ngadto sa 2,645 ang ihap sa mga nakalot nga patayng lawas human sa duha ka sunod-sunod nga linog nga miigo sa Venezuela niadtong Hunyo 24, sumala sa pinakabag-ong opisyal nga datus gikan sa gobyerno.
Gawas niini, natala usab nga kapin sa 12,600 ka mga tawo ang nasamdan, samtang liboan pa ang kasamtangang missing human nangahugno ang dose-dosenang mga building—ilabina sa baybayong probinsya sa La Guaira, nga nahimutang sa amihanang bahin sa Caracas.
Giila kini nga usa sa pinakagrabe nga katalagman nga nasinati sa Venezuela sulod sa milabayng mga dekada.
Tungod niini, nagdeklara na og state of emergency ang gobyerno ug daling gilunsad ang lapad nga search and rescue operations.
Daghan na usab nga mga nasod ug internasyonal nga mga organisasyon sa humanitarian ang nagpadala og mga rescue team ug dinalian nga tabang alang sa mga apektadong komunidad.
Sa pagkakaron, nagpadayon pa ang pagpangita sa mga na-missing, dungan sa pagdagsa sa mga pamilyang nawad-an og pinuy-anan tungod sa grabeng kadaot sa mga imprastraktura.
Sumala sa mga awtoridad, gilauman pa nga mosaka ang ihap sa mga biktima samtang nagpadayon ang clearing ug retrieval operations sa mga nahatumpag nga istruktura.
