Gikabutyag ni Atty. Remeses Victorious Villagonzalo, usa ka Cebuano ICC-accredited lawyer, nga ang ika-10 nga adlaw sa impeachment trial ni Vice President Sara Duterte, nga dili kini ana ka “damaging” sama sa gustong ipakita sa prosekusyon.
Kana gumikan kay matod pa niya, ang proseso sa encashment sa tseke, kinsa ang nagpresentar, ug si kinsa ang nag-withdraw paggawas sa LandBank, ug mao ra kini. Gidugang pa niya atol sa pakighinabi sa Bombo Radyo Cebu, ang encashment labi na kung government account, dili ma konsiderang crime.
Bisan pa, gidugang niini nga bisan nga ang paagi sa paghubad niini adunay dinagko ang withdrawal, makonsiderang “unusual.” Apan, matod ni Villagonzalo, ang usa ka unusual transaction mismo dili aprobado isip usa ka crime.
Gipasabot usab ni Villagonzalo og kon nganung dili kini aprobado isip usa ka crime tungod kay matod pa niya, ang DepEd account nalakip sa government account diin ang cash inflow niini gidownload sa electronic nga pamaagi.
Busa matod niya, kung mosulod kini sa account sa LandBank, usa kini sa government to government transaction, ug ang nag withdraw usab niini mga government agents ra usab o mga accountable officers. Busa alang kang Villagonzalo, ang withdrawal process ug presentment sa tseke, dili usa ka kriminal nga kaso.
Subay niini, sa kaugalingong panglantaw ni Villagonzalo, ang duha nga gipresentar sa ika-10 nga adlaw sa trial, aron mag silbing preparatory evidence kung gi unsa kadtong withdrawn money paggasto.
Gahapong adlawa, adunay duha ka mga witnesses ang gipresentar sa prosekusyon, una na niini si Violeta Constantino, ang kanhi branch manager sa LandBank Shaw Boulevard Branch, diin gihimo ang pag-encash sa upat ka managlahing tseke nga nagkantidad og tag P125 milyon sa Office of the Vice President (OVP) gikan sa Disyembre 2022 hangtod sa Hulyo 2023.
Samtang si Nenita Camposano, ang kanhi branch manager sa LandBank Department of Education (DepEd) Branch, diin giasikaso ang tulo ka quarterly transactions sa 2023 nga nagkantidad og tag P37.5 milyon matag usa sa panahong si VP Sara maoy kalihim sa DepEd.
