Ikaduhang pinakadako nga diamante sa kalibutan nga nakalot sa Botswana

Nakubkob sa nasud nga Botswana ang giisip nga ikaduhang kinadak-ang diamante sa kalibotan.

Ang 2,492 carat rough diamond ikaduha lamang sa 3,106 carat Cullinan Diamond nga nakaplagan sa South Africa niadtong tuig 1905.

Matod sa kompanya sa minahan sa Canada nga Lucara Diamond Corp, ilang nakutkot kini sa minahan sa Karowe sa Botswana sa kontinente sa Africa.

Nakit-an kini gamit ang ilang Mega Diamond Recovery (MDR) X-ray Transmission Technology nga gidisenyo aron makit-an ang uncommon nga dagkong mga diamante.