TAGBILARAN CITY, BOHOL-Gikatakdang pagatukuron sa Tagbilaran City ang ikaduhang Tourist Rest Area (TRA) sa lalawigan sa Bohol.
Kini ang gilatid sa kagamhanang lalawigan uman a Groundbreaking Ceremony niini sa makasaysayang Blood Compact Shrine and Friendship Park sa Tagbilaran City niadtong milabay nga Miyerkules, Marso 19, 2025.
Pinundohan ang maong proyekto gikan sa Department of Tourism diin si Sec. Christina Garcia-Frasco mismo ang nangulo sa maong kalihokan nga magsilbi kining stopover site sa mga turista nga mubisita sa probinsya.
Sa higayong makumpleto ini, ang pasilidad kay maglangkob sa solar-powered roof ug rainwater harvesting system.
Sa naandan, ang TRA kay magdalit og serbisyo ug produkto sama sa charging stations, shower area, ug pasalubong center ug uban pa.
Makahatag kini og higayon sa mga lokal nga produkto nga ginama sa mga micro, small, and medium enterprises (MSMEs) nga makapabaskog sa ekonomiya sa lalawigan sa Bohol.
Kahinumduman nga ang pinakaunang TRA sa lalawigan kay nahimutang sa isla sa Panglao nga natukod niadtong Disyembre 2023.
