Miabot na sa nasud niadtong Agosto 25 ang ikatulong 8-car Electric Multiple Unit trainset, nga gikan sa Japan para sa North-South Commuter Railway Malolos-Tutuban segment.
Kini karon gipailalom sa proseso sa pag-import sa Bureau of Customs (BOC) ug gikatakdang dad-on sa Malanday Depot sa Valenzuela City.
Gipahibalo ni Transportation Secretary Banoy Lopez nga ang pagtukod sa 147-kilometros nga NSCR system nga adunay 35 ka estasyon nga magkonektar sa Central Luzon, Metro Manila, ug Calabarzon anaa na sa hustong dalan aron mapadali ang pagbiyahe sa mga commuter.
Gipasalig sa ahensya nga ang mga trainset ug ang ilang kalidad nakaagi na sa hingpit nga mga inspeksyon aron masiguro nga kini magamit nga luwas ug husto sa mga tawo nga ilang pagaserbisyohan.
Gitumong sa Department of Transportation (DOTr) nga ang partial nga operasyon sa NSCR para sa ruta nga Valenzuela paingon sa Malolos, Bulacan magsugod sa ika-4 nga kwarter sa 2027.
Samtang ang North-South Commuter Railway (NSCR) gilauman nga makaserbisyo sa gibanabanang 800,000 ka pasahero kada adlaw kung ang tibuok sistema hingpit nang magamit.
Ang proyekto makapamubo usab sa oras sa pagbiyahe gikan sa Clark, Pampanga paingon sa Calamba, Laguna ngadto sa duha ka oras gikan sa kasamtangang upat ka oras nga biyahe.
