CEBU CITY-Nanawagan si Thelma Chiong sa mga biktima nga sama kaniya nga dili nalang mugasto og kaso para sa ilang hustisya, inay mas maayo nga mugasto nalang para sa pagpapatay sa mga responsable sa krimen.
Kini ang pamahayag ni Chiong sa dihang nahinabi sa Bombo Radyo Cebu bisan paman ug mikalma na kini sa pagsurrender sa Chiong 2.
Kini human nga nasayran nalang niya pinaagi ra usab sa media nga nakagawas ang mga tao nga mipahimos sa iyang anak ug mipatay apan wala man lang matud pa nangayo niya og pasaylo ug ingon man wala usab misulti kung asa na ang bokog sa iyang anak nga si Jacqueline nga hangtud karon wala pa makit-e.
Apan taliwa niini, gikalipay ni Chiong nga gipasaligan siya ni Police Brigadier Gen Debold Sinas sa PRO-7 nga andam kini nga mutabang sa pangpangita kang Josman Aznar kung dili kini musurrender sulod sa 15 diyas.Nabati matud pa ni Chiong nga gitabangan siya sa gobyerno.
Kini bisan paman og gikalipay na unta ni Chiong nga gitaktak ni Presidente Duterte si Nicanor Faeldon sa Bureau of Corrections (BuCor) , gidayeg man hinoon kini sa presidente atol sa iyang speech sa dihang mibisita kini sa Naga, City sa Sugbo sa miaging mga adlaw butang nga wala na-uyuni ni Chiong ug mi ‘walk out’ siya.
Sigon pa ni Chiong nga ‘ilad’ lamang ni Presidente Duerte ang iyang pagtangtang sa kanhi BuCor Chief.
