CENTRAL VISAYAS-Gipadayag ni NBI Agent Maria Contessa Lastimoso, nga aduna sila’y nadawat nga mga taho kabahin sa mga bata nga gipangbaligya sa Central Visayas.
Diin kini nga mga report kay gi-refer gikan sa Department of Social Welfare and Development 7.
Sa pakighinabi sa Bombo Radyo Cebu kang Agent Lastimoso, gipaambit niya nga ang ilang buhatan kay nakatutok sa maong kaso ug padayon ang ilang paggukod sa mga trafficker.
Apan, bisan paman sa kakuwang sa ilang man power mipasalig kini nga buhaton nila ang tanan nga maluwas ug mahunong ang maong matang sa iligal nga kalihokan.
Gipaninguha sa maong buhatan nga makasikop sila sa mga nagpaluyo niining matang sa kalihokan ug gisiguro nga gitutukan sa mga agent nga gitahasan sa maong kaso.
Kung mahinumduman nga ubay-ubay na usab ang natalang kaso nga may kalambigitan sa pagpamaligya og masuso, dili lang sa sugbo apan sa tibuok nasud.
