Ilibkas ba sa dakbayan sa Sugbo ang curfew? Mahibal-an kini sa Charter Day matud ni Rama

CEBU – Gihimug-atan ni Cebu City Mayor Mike Rama nga sa umaabot na nga pagsaulog sa Charter Day sa syudad karong Pebrero 24, adlaw nga huwebes ang mamahimong anunsyo niini sa curfew ug uban pang restriksyon sa syudad.

Matud pa ni Rama nga sapagkakaron, tinguha sa syudad nga momugna og dalan paingon sa new normal.

Tataw niini nga motuman gihapon kini sa mga lagda paingon sa Alert Level 2, apan hinaut niini nga mokanaug pa ang syudad ngadto sa Alert level 1 hangtud sa new normal.

Dugang pa niini nga ilahang gitun-an ang posibilidad sa paglibkas sa curfew ug uban pa, taliwa sa suhestiyon sa Cebu City Police Office (CCPO) nga kini wagtangon tungod nakamintinar kini sa peace and order.