CEBU CITY — Dawaton ug buhaton matud pa sa National Bureau of Investogion (NBI-7) ang ilang makaya sa pag-imbestigar sa kaso ni Clarin. Misamis Occidental Mayor David Navarro.
Kini human nga gipatangtang na ni Presidente Rodrigo Duterte ang Task Force Navarro ug giturn-over na niini ang investigation ngadto sa NBI.
Sa pakighinabi sa Bombo Radyo Cebu kang Atty. Tomas Enrile, ang regional director sa NBI-7, giingon niini nga tungod kay mando kini sa presidente, ila gyud dayon sugdan ang imbestigasyon.
Nasayran nga anaa karon sa Bicol si Enrile hangtud na sa kalag-kalag apan iya na matud pa’ng gisalig sa iyang assistant dinhi sa Rehiyon-7 ang angayang buhaton.
Sa iya matud pa nga initial assesment, iya usa ipa-interview ang pamilya ni Mayor Navarro aron matumbok ang pinakalig-on nga motibo sa pagpatay.
Gibutyag usab ni Atty. Dominador Cimafranca, assistant regional director sa NBI 7, nga bisan pa man ug wala pa sila’y nadawat nga formal document gikan sa presidente hayan igo na ang verbal order niini arun nga ilahang sugdan ang ilahang trabaho.
Matud pa nga magsugod sila sa sinugdanan ug gipaabot nila ang pag-turnover sa PNP sa resulta sa imbestigasyon usab niini.
Gisiguro ni Atty. Cimafranca nga wala sila’y dapigan ug pasakaan ug kaso ang angayang mutumaw nga nalambigit sa maong krimen.
Samtang, gitataw ni Cimafranca nga ‘welcome’ sa gihapon kanila ang ipahigayon nga imbestigasyon sa uban pang ahensya arun nga mas mapadali ang pagsulbad sa maong kaso.
‘NO FURTHER INVESTIGATION’
“No Further investigation” na matud pa ang Cebu City Police Office human nga matransfer na sa NBI ang investigation sa MisOcc Mayor Slay Case.
Kini ang gikompirmar ni Police Colonel Vinluan ,ang CCPO Director ug nangulo sa SITG Navarro.
Makaangayon lang usab, matud pa, nga ang NBI na ang maoy mu-imbestigar sa pag-ambush ni Mayor David Navarro apan padayon gihapon ang ilang pakigalayon sa PNP Misamis ug kung duna na silay makuha nga impormasyon kalabot sa background ni Mayor Navarro, ila usab dayon kining i-forward sa NBI.
Dugang pa usab niini, ang naasoy nga involvement ni Navarro sa Manduae, City Robbery incident kung diin una na nga migawas ang taho nga gimonitor sa mayor ang nahitabong tulis niadtong Oktubre 19 adlaw nga Sabado hinungdan nga mi-anhi sa Sugbo si Navarro, naforward na kini sa national headquarters ug gisalig na usab kini sa CCPO ngadto kanila. (sbr/fdp/gn)
