Mi-withdraw si Senador Imee Marcos sa Alyansa Para sa Bagong Pilipinas, nga gi-endorso sa iyang igsuon, nga si Presidente Ferdinand Marcos Jr.
Sa maong pamahayag, si Marcos miingon nga dili siya makapangampanya ug makatungtong sa samang entablado uban sa ubang miyembro sa Alyansa.
Matud niini nga iyang ibutyag ang iyang unang mga nakaplagan sa umaabot nga mga adlaw, diin matod niya tataw nga nagpakita nga ang administrasyong Marcos mihimo og mga lakang nga sukwahi sa iyang baruganan ug prinsipyo.
Kung kahinumdoman, atol sa gipahigayong hearing sa Committee on Foreign Relations niadtong Marso 20, ang managsuong Remulla, Interior and Local Government Secretary Jonvic Remulla ug Justice Sec Jesus Crispin Remulla, nipili sa paghilom ug paggamit sa ilang executive privilege dihang gihangyo sila sa pagpasabot sa mga detalye sa giingong tigom nga nahitabo tali ni Presidente Marcos ug sa iyang mga sakop sa Gabinete sa wala pa masikop si Duterte.
Gipasabot ni Jonvic nga gihimo lang ang tigom aron hisgotan ang mga hungihong bahin sa pagkasikop sa kanhi presidente, apan dili aron pagplano niini.
Giinsister ni Marcos nga ang mga representante sa gobyerno sa Senate hearing kay daw gitagoan ang mga importanteng kamatuoran.
Ingon man nga dayag ang pagtabon sa krimen nga nakapalig-on lang sa pagduda nga posibleng nalapas ang Konstitusyon ug ang soberanya sa pagkasikop kang Duterte.
Tungod niini, si Imee miingon nga magpabilin siyang independente sama sa iyang giingon sukad pa sa pagsugod sa panahon sa eleksyon.
