Gikanayon ni Senate Secretary ug Impeachment clerk of court Atty. Renato Bantug nga dili imposible nga masunod ang gikatakdang impeachment proper trial sa Hulyo 6 bisan pa sa hinay nga proseso sa pre-trial conference.
Sumala ni Bantug, sa pagkakaron, ang petsa nga gitakda sa impeachment calendar sundon gihapon, bisan pa man og miingon sila nga mubo ra ang ilang panahon sa pagpangandam, kon mahuman ang pre-trial process karong semanaha, sundon gihapon kini.
Dugang pa sa Senate secretary nga mas paspas ang pag-uswag sa pagmarka sa ebidensya gahapong adlawa tungod sa dugang nga mga team nga markahan ug dugang nga oras sa pagtrabaho niini.
Samtang, giklaro usab sa tigpamaba sa depensa ni VP Sara nga si Atty. Michael Poa nga dili gusto sa ilang kampo nga magdugay ang proseso sa pre-trial conference tungod kay giingong gusto nila og igong panahon sa pagpangandam alang sa actual trial sa Bise Presidente.
Gipasabot ni Poa nga kung makompleto na ang pagmarka sa mga dokumento sa ebidensya, usa ka pre-trial order ang ipagawas ug ang duha ka habig sa prosekusyon ug depensa kinahanglan pa nga mosumite sa ilang mga komento bahin niini.
Gipaambit usab ni Mamamayang Liberal Partylist Rep. Leila De Lima nga kapin sa 50% na sa mga ebidensya sa kaso sa impeachment ang namarkahan sa pre-trial proceedings sa Senado.
Ingon man nga masaligon siya nga ang gikatakdang pagsugod sa impeachment trial sa Hulyo 6 dili malangan.
