Imported nga mga kanding gikan sa US, giihaw dayon sa BAI tungod sa Q-Fever

Nakahukom dayon ang Bureau of Animal Industry sa pagpatay ug pag-ihaw sa kapin sa 60 ka mga kanding nga gikan sa Amerika.

Matud sa ahensya, adunay Q-Fever ang mga kanding nga gidala sa breeding station sa probinsya sa Marinduque.

Gimando usab ni Agriculture Secretary Francisco P. Tiu Laurel Jr. ang pagpatay sa mga mananap nga nakontak sa mga kanding nga gi-import sa Amerika.

Matud pa niya nga tumong niining maong lakang mao ang pagpahilayo sa panglawas sa katawhang Pilipino sa peligro.

Gumikan niini, temporaryo nga ginadili ang pagpasulod sa mga kanding nga gikan sa maong nasud.

Samtang, gisuspenso usba ang pipila ka mga kawani sa Bureau of Animal Industry nga miuyon sa importasyon samtang nagpadayon ang imbestigasyon.