CENTRAL VISAYAS- Nangayo og hustisya ang inahan sa namatay nga lalaki nga nadisgrasya human mabanggaan sa fire truck sa filipino chinese nga miresponde sa sunog sa duha ka mga Sityo sa Barangay Paknaan sa Dakbayan sa Mandaue, niadtong Marso 23, 2025.
Kini ang emosyonal nga pamahayag atol sa pakighinabi sa Bombo Newsteam kang Maria Stella Mindo, Inahan sa biktima nga si Juan Paulo Mindo 23 anyos nga taga Sityo Sunlot Barangay Kalawisan sa Dakbayan sa Lapu-lapu.
Gidugang niini, nga nagka hinabi na sila sa mga sakop sa taga Filipino Chinese Volunter’s kalabot na sa ilang kauban nga drayber nga naka bangga patay sa ilang iyang anak.
Matod sa Inahan, nga gusto makig-areglo sa taga Filipino Chinese apan gusto niya ug hustisya sa iyahang anak.
Hinungdan, nga gusto niya nga mopasaka gyud og kaso batok sa drayber sa fire truck nga naka bangga sa iyang anak.
Dugang pa, nga bisan paman gitino sa drayber nga wala niya gituyo, nakapangutana gihapon kini nga kon nganong wala man lang gyud mohunong nga intersection man ang nahitaboan una pa nipadayon sa pag responde.
Sa laing bahin, nihatag siya og pamahayag sa mga mikomentaryo og dili maayong mga butang bahin sa iyang anak o sa mga ‘bashers’ nga hunongon na tungod kay dili maayo nga anaa sila sa ilang sitwasyon nga nagbangutan sa kamatayon sa ilang anak.
Emosyonal usab siya nga nangayo og ‘sign’ sa iyang anak kung ipadayon ba ang kaso, batok sa drayber nga nga naka ligis-patay niini.
Naghilak kini nga nisaysay nga dili niya madawat ang kamatayon sa iyahang anak ug hilabihan ang kasakit nga iyahang nabati karon uban ang amahan sa iyahang anak ug mga igsuon niini.
