Incoming Cebu City Mayor Labella plano nga pun-an ang allowance sa CCPO

CEBU CITY-Plano ni Incoming Cebu City Mayor Edgardo Labella nga pun-an ang allowance sa mga pulis sa Cebu City Police Office (CCPO) kung siya mulingkod na.

Kini tungod kay matud pa 2,500 pesos lang ang allowance sa mga pulis sa Sugbo matag buwan.Butang nga nakita sa incoming mayor nga dili igo.

Gani, dugangan matud pa kini niya og mga patrol car, armas, logistic support ug uban pa.

Suportado matud pa niini ang kampanya sa pangu sa iligal nga drogas ug mas maayo nga dunay maayong relasyon ang kapulisan og ang city govt.

Hinoon wala pa mibutyag si Labella nga pila ang iyang idugang nga allowance sa mga kapulisan.