Plano nga itukod ang Independent Commission for Inftrastructure sa dakbayan sa Mandaue ang susamang komisyon nga gimugna ni Presidente Ferdinand Marcos Jr. diin maoy gitahasan sa pag-imbestigar sa mga anomaliya sa mga kaso sa flood control ug nagkalain-laing infrastructure projects.
Kini ang gibutyag ni Mandaue City Councilor Atty. Carlo Fortuna, nga kinahanglang dili lang ang kaulohan ang manginlabot apan lakip na usab ang mga lokal nga kagamhanan sa pagpugong sa korapsiyon.
Dugang sa opisyal nga aron masiguro nga ang tanang mga proyekto nga nahimutang sa lokal nga kagamhanan wala gayu’y sagul nga anomaliya ug masuta kung tukma ba gayud ang pag-alokar sa kwarta sa katawhan.
Nanghinaot usab si Fortuna, nga kung ugaling mapahimutang na ang straktura sa planong Independent Comission, ug epektibo kini, mamahimo na kining sumbanan sa tanang lokal nga kagamhanan sa Sugbo,
Gihimug-atan niini nga nawagtangan na ug salig ang mga tawo sa gobyerno, hinungdan ang gobyerno ra usab ang maningkamot aron pagpabalik sa salig ngadto sa gobyerno.
