-- ADVERTISEMENT --
Nagpahamtang ug curfew ang mga pwersa sa seguridad sa India ilabi na sa Leh, ang kaulohan sa Himalayan region sa Ladakh.
Kini human sa nagkagrabeng engkwentro tali sa mga nagprotesta ug kapulisan diin upat ka tawo na ang namatay.
Daghang mga tawo usab ang nasamdan human gisunog sa mga nagprotesta ang opisina sa Bharatiya Janata Party (BJP).
Gibasol sa gobyerno sa India si Sonam Wangchuk sa kagubot, nga giingon nga siya ang nagsugod sa kagubot, apan gilimod niya kini.
Sukad niadtong 2019, gipangayo sa mga residente ang pagpahiuli sa estado sa Ladakh aron mahatagan sila mga trabaho.
-- ADVERTISEMENT --
