CEBU CITY — Personal grudge ug negosyo ang gitan-aw nga anggulo sa kamatayon sa usa ka Indian-national human gipusil sa Sitio Iba, Brgy. Pajac, sa dakbayan sa Lapu-Lapu.
“Dead on the spot ang tigpatanto nga si Gagandeep Singh, 27 anyos, ug temporaryong nagpuyo sa Sitio Abuno, sa susama nga barangay.
Matud sa hepe sa Marigondon Police Station nga si Police Major Juan Capacio nga samtang naningil si Singh sa mga utangan sa maong lugar, nag-atang kaniya ang usa ka wala mailhing gunman.
Kalit lang nga gipusil sa gunman si Singh dayon milakaw palayo sa crime scene.
Nakaangkon og tulo ka samad pinusilan sa Sing sa iyang lawas nga miresulta sa hinanali niining kamatayon.
Narekober sa kapulisan ang upat ka kabhang sa kalibre 45 nga armas gikan sa crime scene.
Dugang pa ni Capacio nga nalambigit si Singh sa usa ka traffic accident kaniadto.
Padayon pang gipaubos sa imbestigasyon ang kamatayon sa maong Indian-national.
